PARA LOS MEMORIOSOS

Mio Çid movió de Bivar pora Burgos adeliñado,
assí dexa sus palaçios yermos e desheredados.
De los sos ojos tan fuertemientre llorando,
tornaba la cabeça i estávalos catando.
Vío puertas abiertas e uços sin cannados,
alcándaras vazías sin pielles e sin mantos
e sin falcones e sin adtores mudados.
Sospiró mio Çid, ca mucho avié grandes cuidados.
Fabló mio Çid bien e tan mesurado:
“grado a ti señor padre, que estás en alto !

Esto me an buolto mios enemigos malos”.